AL MAJD TENNIS CLUB
May grupo akong natagpuan, Al Majd Tennis Club ang pangalan;
Noong una'y alanganin ako, dahil pangalan di ko napapakinggan;
Subali't nagtiyaga ako at aking pinasyalan
Doon natagpuan ko, kay sasayang mga nilalang.
Sa maikling panahon, na ako'y nag-obserba,
Namalasan ko at nakita, papalo palo lang sila,
Nang matapos ang laro, kamayang umaatikabo,
Kantiwayang walang humpay, parang larong pang kampeonato.
Ang natapos maglaro ay muling nag si-upo,
Ang iba naman nag umpisang pumalo palo,
Doon sa umpukan, tapunan ng biruan,
Tawanan ng tawanan na walang katapusan.
Ang ipinatataka ko, bakit kay sasaya?
Na sa ibang grupo ay hindi ko nadarama;
Ano kaya ang sekreto, bakit laging masaya;
Napag alaman ko, busilak pala ang damdamin nila.
Ako'y nagpalista at sumama na sa kanila,
Para ako naman, maranasan din ang saya,
Na laging namumutahi sa mga mukha nila.
Walang halong kaplastikan, kaya isang pamilya sila.
Ngayon ay unti unti na silang nakilala
Nagmula sa wala, ngayon ay Kampeon na,
Nahakot ang pa premyo, sa malalaking torneo,
Kaya ngayon kilalang kilala at sikat na sikat pa. |